Afmæli og fleira

Það er búið að vera nóg að gera í afmælamálum þó svo að við Malla höfum misst af þeim flestum, því miður. Ýmist hafa afmælisbörnin stungið af erlendis (psst, Rafnar og Sólveig – ef þið komið ekki í heimsókn bráðum þá tek ég bara upp pakkann til ykkar sjálfur!) eða þá að við sjálf höfum þurft að fara erlendis en einna verst var að missa af þrítugsafmæli stóra brósa þann 8. febrúar. Það minnir mig á það að einungis eru 17 mánuðir í það að ég verð sjálfur þrítugur, ég tók smá æsing yfir þessu um daginn þegar Atli átti afmæli en ég spurgði hann hvort “þetta” væri bara virkilega búið en hann stappaði stálinu í litla brósa eins og góðum stóra brósa sæmir.

Á laugardaginn var okkur boðið í afmælisteiti til hennar Örnu Eiríks frænda og virðast örlögin hafa spilað eilítið inní þar því við vorum tókum dónalegt “no-show”. Á laugardagsmorguninn mætti ég **** þunnur í fótboltamót upp í Gladsaxe sem endaði með sigri DTU Daðlana sem svo endaði aftur með pizzu og fylleríi sem endaði svo á endanum með að ég bara gaf upp öndina uppí rúmi rétt rúmlega 9. Sorry Arna mín :)

Ég áttaði mig líka á því í fyrradag að þann 24. feb – í dag semsagt á ég sjálfur hljóðbókaafmæli því eitt ár er liðið frá því að ég tók ástfóstri við hlustun bóka. Þess má geta að á þessum tíma hef ég hlustað á nákvæmlega 42 bækur, en eins og flestir vita er talan 42 svarið við lífinu, alheiminum og öllu öðru. Mér finnst þetta helvíti vel af sér vikið og vona ég að næsta ár verði jafn efnilegt, reyndar er Malla stundum alveg tjúll þegar hún þarf að endurtaka sig ef ég er að hlusta á bók því ég heyri náttúrulega ekki neitt – ætli það sé ekki best að kaupa hana henni einhverja gjöf til að stilla til friðar.

Uppfærsla: 24/02

Ég er náttúrulega eitthvað kexaður því ég var búinn að gleyma því að þann 21. febrúar síðastliðinn var ár liðið frá því að blog.ari.is fór í loftið eftir laaaangan svefn, ætli það sé þá ekki best að ég kaupi smá pakka handa mér í tilefni dagsins, ég elska nefnilega svona “frá mér til mín” pakka ;)

3 staðreyndir

Á meðan Dagur svaf í dag var ég að vafra á alnetinu og rakst á einhverja kaffi grein sem ég ákvað að glugga í. Þar stóð að kaffibaunirnar Coffea Arabica, sem mér finnast einna bestar, innihalda 50% minna koffein en aðrar kaffi tegundir sem skýrir ef til vill hvers vegna ég er ekki byrjaður að skjálfa um eitt leitið eftir  5-6 kaffi bolla. Eitt er víst að þessi uppgötvun mín kom mér í opna skjöldu.

Ég fór þá að hugsa hvaða aðrar upptötvanir eða staðreyndir hafa nýlega komið aftan að mér og datt mér þá helst í hug sú staðreynd að Jóhanna Sigurðardóttir, er fyrsti samkynhneigði forsætisráðherrann í heimi. Ég hafði reyndar frétt af kynhneigð hennar fyrir langa löngu en var hreinlega búinn að gleyma því – ekki eins og það skipti í raun máli með hvaða liði hún spilar en þess má einnig geta að ég sá rétt í þessu frétt á wikipedia.org um Jóhönnu, það er greinilegt að einhverjum finnst þetta skipta máli.

Þriðja staðreyndin er sú að ég var alls ekkert kúl þegar ég var yngri, ég uppgötvaði það þegar ég rakst á nafnskirteinið mitt í foreldrahúsum fyrir nokkrum dögum. Ég sem fannst ég alltaf hafa verið svona spaði en ég ætla að leyfa ykkur að dæma um það sjálf (sjá mynd).